Pages

Tuesday, March 26, 2013

حدث فى مثل هذا اليوم 26-3-2013

بسم الله الرحمن الرحيم 


قاعده: لو ده جنان اتجنن تنطبق تماما على اليوم ده 
طبعا عشان بعد كام سنه هيجى حد يقولك هو ايه قاعده الجنان ده ويمكن انا نفسى مفتكرش ايه ده 
هو من وحى اعلان كواكولا "شركه مياه غازيه" الايام ده بيقولك لو ده جنان اتجنن يعنى اعمل اى حاجه مجنونه لو هتفرح او تخلى حد يبتسم او ايا كان رد الفعل 

بس انا بقى بستخدم القاعده بشكل تانى هنا 

هو انا بكتب دلقتى قبل معاد سفر ب 6 ساعات تقريبا 
انهرضه فى الثلاثاء وباقى على امتحان الميد ترم التانى فى اخر ترم فى سنه رابعه فى كليه هندسه فى قسم كهرباء فى شعبه اتصالات والكترونيات -حاجه ممله اى كتر استخدام فى فى الجمله الى فاتت- 3 ايام وتلاقى نفسك اليوم ده مسافر القاهره والسبب عشان حاجه خاصه بالمشروع -مشروع التخرج- لازم تسافر والحق يعنى ان مش لوحدى هسافر المفروض التيم بتاع المشروع كله هيسافر يعنى مركب واحده 
الغريب فعلا ان تلاقى ناس مجانين للدرجه ده انك تسافر القاهره عشان المشروع اليوم ده قبل الامتحانات ب 3 ايام وكالعاده فى مواد طبعا لسه متفتحش بس حكم القوى هنقول ايه ربنا يخليك لينا يالى مطلع روحنا اينعم والله بحبك فى الله وبحترمك بس انت بصراحه برضه زودتها شويه اليومين دول بدرجه صعبه شويه بس هقول ايه 

المشكله بقى مش فى كده المشكله اننا قاعدين مش عارفين نعمل ايه الواحد بيفكر اكتر مبيذاكر مفيش تركيز فى اى حاجه ولى نفس لاى حاجه 
يمكن ده اول مره اكون مخنوق من السفر يعنى سفريات كتير جت على غفله قبل كده بس ممكنتش ببقى متضايق وكنت عادى ببقى مبسوط ومفيش مشاكل بس المره ده متضايق فعلا ربنا يفكها من عنده 

طبعا قاعد على النت وتتفرج بقى تفتح جروب الدفعه تلاقى ما شاء الله ناس بتسال واساله رايحه واساله جيه وكله بيذاكر وفين المحاضره الفلانيه والشيت ده المساله ده ايه نظامها 
كل ده الواحد حاسس انه فعلا فى ملكوت والناس ده فى ملكوت تانى خالص سبحان الله كل يغنى  على ليلاه 

بس هو مش فاضل الا ضوء واحد بس هو الى شايفه فى الضلمه ده كلها 
لعل اليوم ده يكون هو سبب ان السنه ده فى امتحاناتها وكل ما فيها تعدى بشكل مختلف وغريب لعل اليوم ده فعلا هو الى يخليى الواحد فى الامتحانات يحل يمكن من احسن وقت فيه كان مذاكر اى ماده تانيه مش عارف حاسس الموضوع هيتحسم بالنيه لله ومفيش شك مع بعض الاجتهاد اكيد 

بس ربنا يعلم بقى الى هيحصل فينا لما هنوصل 

متقلقوش ابقوا دوروا بعد المشاركه ده ككده هتلاقوا بحكى الى حصل فى اليوم ده 

سجل يا تاريخ قبل امتحان الميد ترم ب 3 ايام مسافر القاهره مع تيم مشروع التخرج عشان نعمل تجارب ونتعلم برنامج فى الوقت ده 

يا عالم هيحصل فينا ايه قبل الفاينال :D

Monday, March 25, 2013

مدونتى 2013

بسم الله الرحمن الرحيم 


والله مبقتش عارف انتى كمدونه هتستحملى السنه ده ولى لا ولىبتقولى ياريت تخلص السنه ده بقى عشان الموضوع عمال يكبر يكبر يكبر 
يمكن من اول ما اتعملتى مكتبتش عليكى قد مكتبت اليومين دول مش عارف بقى هتستحملى ولى هتقعى من كتر الضغط عليكى 

فى كل يوم احداث جديده احداث سريعه بتحصل يا ترا هتلاحقى على كل ده ولى هيطفح بيكى الكيل من الى بيحصل والى هيحصل 

تصدقى بالله انتى بقيتى صعبانه عليه حتى لما بكتب عليكى ايه ذنبك كمدونه تشوفى كل القرف ده وتسحمليه 

قولت ماعشمش نفسى بحاجه عشان مكونش بمسك الهوا بس اعمل ايه بشر بقى ونفسه يكون كويس نفسه يوصل للاحلام بس حتى الان العناد مازال يحالفه 

بصى انا بقولك اهو من دلوقتى اليومين الى جيين انيل من الى شوفتيه الايام الى فاتت فخدى قرارك وقوليلى هتستحملى ولى اقفلك وتسترحى منى انتى كمان 

 

Sunday, March 24, 2013

دنيا تانيه

بسم الله الرحمن الرحيم 


واضح ان السنه ده كل واحد عايش فى دنيا غير التانى 
كل يوم حاجه جديده تحرق الدم وبقى ده العادى 
العادى ان كل يوم يتقفل 

مش عارف ده عيب فيه ولى عيب فى الاخرين 
ولى انا الى مكبر الموضوع 
ولى يمكن انا الى غلطان وكل حاجه بتحصل ده مش مستاهله اصلا التفكير 

ولى يمكن المفروض الحاجه كده تمشى بالبركه كده من غير ما الواحد يفكر بعقله 
بصراحه مش عارف بس اهو ايام وبنعيشها على راى عمرو دياب

Saturday, March 23, 2013

مولود جديد

بسم الله الرحمن الرحيم


الايام الى فاتت بدا مشوار جديد بدا مشوار فى حاجه نفسى تكون من احسن الحاجات السنه ده
بحس وانا شغال فى الحاجه ده انى بربى طفل صغير مولود لسه طالع للدنيا بتلاقى نفسك بتحبه اوى بتضحى بكل حاجه عشانه فى سبيل انك تشوفه فى ازهى صوره له 
المره ده الطفل المفروض انه يكبر بسرعه بس يكبر وهو يبقى قادر يعتمد على نفسه تبقى مش خاايف عليه من كل حاجه حوليه 

المره ده المخاطر اكبر وان كانت فى او ولاده لاول طفل كانت هى الاصعب بالتاكيد 
لكن لكل مولود فرحه خاصه فهل الفرحه بالمولود السنه ده هتكون كبيره ولى هيصاحبها صدمات كبيره ونقل دم ودخوله لمده طويله الحضانه 
اتمنى ربنا يحفظه ويخلص النيه لله فى كل شئ بعد كده 

يارب كرمك :)

2013

بسم الله الرحمن الرحيم 

السنه ده مليانه حاجات كتيره مليانه ايام كتيره اتعلمت فيها 
لغايه انهرضه 23-3-2013 
ده اكتر سنه اتعملت فيها حاجات يمكن مكنتش متوقع اشوف كل ده فيها وكل ده وانا لسه فى ربعها الاول ياترا مخبيه ايه تاني يا 2013 

بس خير اكيد خير :)

كل يوم

بسم الله الرحمن الرحيم 


كل يوم يجيلى احساس غريب ابدا افكر واتخيل الموقف وياترا ممكن يحصل ايه 
احيانا ابتسم احيانا اغضب احيانا اخاف احيانا اقول بلاش اوهام انت مش بتحرم ولى ايه 
فى الاخر بقول يارب واقول هانت يعنى فات الكتير مش باقى الا القليل وفى كل الحالات هتستريح فى الاخر 
متشغلش بالك الى مكتوب مكتوب بس انت اصبر 

وابدا وافكر فى الصبر 
هو انا اتعملت الصبر فعلا من الصيد 
وارجع وافتكر كل موقف صبرت فيه وربنا وفقنى وكرمنى بعدها كرم كبير 
وفى برضه بفتكر الاوقات الى صبرت فيها بس مشوفتش نتيجه الصبر للاسف عشان انسان احيانا ينسى ان كل حاجه بتحصله خير فاللاسف للوهله الاولى لما بفتكر بقول طب وده نتيجته فين بس بعدها بقول فوق ده اكيد كان الخير بس انت لسه مشوفتش النتيجه لغايه دلوقتى اصبر تانى لسه شويه 

واستمر فى استرجاع مواقف الصبر الى فاكرها كلها 

وفى الاخر اقول خير ان شاء الله خير اكيد النتيجه قريب بس انت اخلص النيه لله واتقى الله اكتر 

مش عارف اذا كان ده شئ كويس ان افضل استرجع ده كل شويه ولى لا بس اهو مسلسل مستمر لغايه لما نشوف النتيجه النهائيه 
فى الاخر بتفكر ديما ان ربنا مش بيضيع صبر حد "ان الله مع الصابرين"

صبرا جميلا :)

Friday, August 31, 2012

EW'12

بسم الله الرحمن الرحيم 

بعد سنه من اليكتريك ويك 2011 بينتهى امبارح الخميس اليكتريك ويك 2012 بعد نجاح متواصل الحمد لله للسنه التانيه على التوالى ومن نجاح لنجاح 

قد ايه الواحد بيبقى مبسوط وهو بيشوف الناس حوليه مبسوطه قد ايه الواحد مبسوط ان فين ناس حضرت وقعدت معانا لغايه احتفالنا بالايفينت بعدها لغايه لما روحنا 

قد ايه بجد الواحد بيكون مبسوط انه يشوف ابتسامه الناس 

قد ايه الفرحه لما حد يقول انتم غيرتوا فينا حاجات وغيرتوا حياه ناس 


السنه ده اليكتريك ويك احسن وبيعلى اكتر الحمد لله وده بيقول الحمد لله اننا هنتقدم هنوصل لحلم الناس الى اسست الجمعيه العلميه الى بتقوم دلوقتى بتنظيم اليكتريك ويك وهى E-WEB 

لسه المشوار طويل للوصول للحلم الاكبر الى الناس حطت بذرته من 2011 

E-WEB and EW مش مجرد جمعيه علميه او ايفينت ده بجد حياه واحساس وقت بتعيشه فى السنه مع ناس ديما بيزيد حبك ليهم يوم عن يوم ولسه مكملين مش ناسى حد من السنه الى فاتت حتى الناس الى قعدت فى التيم يوم واحد او ساعات بس وساعدتنا مش ناسيهم لان كان ليهم دور الحمد لله 

 احيانا الواحد مش بيعرف يبين فرحته وبتكون فرحته داخليه مش عارف يظهرها ويبقى ظاهر عليه العكس بس ده بيبقى شئ غريب مش مفهوم لكن حقيقى مبسوط انى لتانى سنه على التوالى كنت موجود فى الايفينت ده مع الناس ده وهمه الى ليهم الفضل بعد ربنا انى اكون موجود معاهم  

Tuesday, September 13, 2011

يوم من الذكريات

بسم الله الرحمن الرحيم 

انهرضه كان اخر يوم فى الـ Electric week  بجد يوم من ايام حياتى الى لايمكن انساها ابدا والى حصل فيه وايفينت هفضل فاكر تفاصيله من اول مفكرنا فيه 

اليوم ده مش عارف كنت اقول ايه للناس الى معايا فى التيم لانهم بجد عملولى صدمه بمفاجاه جميله جدا مكنتش اتوقعها ابدا 

بحبهم كلهم فى الله لانهم فعلا من غيرهم مكنتش اقدر اعمل 1 على مليار من الى عملوه وتوفيق ربنا ده حاجه كبيره اوى الحمد لله على نعمته علينا 

الشكر كان واجب لدكتور نبيل لان فعلا الراجل ده تعب معانا اوى وزهقناه كتير وفى حاجات هو الى خلصهالنا كتير من غيره كنا ممكن منخلصهاش 

فعلا التيم ده كل واحد فيه بطل ابطال بمعنى الكلمه مجموعه دون انتماء لاتجاه قدروا يصنعوا شئ بسيط فى اوله محترف فى اخره 

ربنا يكرمكهم كلهم لان فعلا كل واحد يستحق منهم كل خير اتمنى اقدر اساعدهم فى اى يوم من الايام يحتاجونى فيه واتمنى اكون سند ليه فى اى وقت 

مش هنساكم ابدا 


Thursday, September 8, 2011

اللهم لك الحمد

بسم الله الرحمن الرحيم

اللهم انى احمدك واشكرك على فضلك ونعمتك علي

يوم يمكن مش هقدر انساه فى حياتى يوم 7\9\2011
بجد انهرضه يوم من الايام الى حسيت فيه انى بحاول ارضى ربنا عشان يرضى عليه
وبيزداد تاكيد ان ربنا مش بيضيع تعب حد ابدا بجد ناس كتير تعبت ناس معانا ومش معانا وناس بقلوبهم سعدونا واتمنوا الخير بجد شئ يجعل اى انسان قلبه يغمر بالسعاده
ان تكون احد هؤلاء البشر الذين يحاولون توصيل رساله الاعمار فى الارض او انت كون احد البشر الذين يحاولون ان ينقلوا كل حرف تعلموه ليجدوا اجابه عند سوال الله عز وجل لهم عما فعل بما تعلمه فى الدنيا فيجد الاجابه

بجد احساس جميل جدا

يارب ديمها علينا نعمه وسترك يارب حتى اخر يوم فى حياتنا يا رب العالمين

Friday, July 15, 2011

قصه وعبرة

قصه وعبرة
تزوج رجل من امرأة جميله جدا جدا وأحبها جدا ..
وجاء وقت انتشر فيه مرض يسبب الدمامل... في البشره ويشوه المريض تشويه كبير جدا ..
وفي يوم شعرت الزوجة الجميله بأعراض المرض وعلمت انها مصابة به وستفقد جمالها..
لكن زوجها كان خارج البيت لم يعلم بعد بمرضها .. وفي طريقه للعودة أصيب بحادث أدى لفقد بصره وأصبح أعمى ..
وأكمل الزوجان حياتهما الزوجية يوما وراء يوم الزوجة تفقد جمالها وتتشوه اكثر واكثر , والزوج أعمى لايعلم بالتشوه الذي أفقدها جمالها بل تحول من جمال الى قبح .. واكملو حياتهم 40 سنة (أربعين سنة ) بنفس درجة الحب والوئام لهما في أول الزواج .. الرجل يحبها بجنون ويعاملها باحترامهم السابق وزوجته كذلك ..
الى أن
جاء يوم
توفت فيه زوجته ( رحمها الله ) ..
وحزن الزوج حزنا شديدا لفراق حبيبته..
وحينما انتهى الدفن ..
جاء الوقت ليذهب جميع الرجال الى منازلهم..
فقام الزوج وخرج من المكان وحده ..
فناداه رجل يا أبو فلان .. الى أين أنت ذاهب ؟
فقال : الى بيتي !!
فرد الرجل بحزن على حاله : وكيف ستذهب وحدك وأنت أعمى (كان الزوج يقوده أحد لانه اعمى )
فقال الزوج : لست أعمى !! انما تظاهرت بالعمى حتى لااجرح زوجتي عندما علمت باصابتها بالمرض , لقد كانت نعم الزوجة وخشيت أن تحرج من مرضها فتظاهرت بالعمى طوال الاربعين سنة وتعاملت معها بنفس حبي لها قبل مرضها

هذْآ هّو وفْآء الرّجآلْ

Friday, May 6, 2011

ميد ترم الترم التانى من تانيه اتصالات

بسم الله الرحمن الرحيم

غدا ان شاء الله اول امتحان من الميد ترم للترم التانى لتانيه اتصالات بالالكترونكس يارب يكون خير ان شاء الله بس الملاحظه ان كلمه ترم وتانى اتكرروا كتير حاسس فى سجع رهيب وشكله هياثر عليه بكره 
ربنا يسترلها ان شاء الله 

ومستنى كمان النتيجه بتاعت الترم الاول اخر الاسبوع بس ان شاء الله خير تفائلوا بالخير تجدوه

Saturday, April 23, 2011

Comparator & Integrator exp2 in electronics 2nd term in 2nd comm

Exp 2 in Electronics

Comparator circuit


When we change R2 and increase it


  




Integrator Circuit
 






Tuesday, April 19, 2011

لعله خيرا

كان لأحد الملوك وزير حكيم وكان الملك يقربه منه ويصطحبه معه في كل مكان. وكان كلما أصاب الملك ما يكدره قال له الوزير “لعله خيراً” فيهدأ الملك. وفي إحدى المرات قطع إصبع الملك فقال الوزير “لعله خيراً” فغضب الملك غضباً شديداً وقال ما الخير في ذلك؟! وأمر بحبس الوزير …
فقال الوزير الحكيم “لعله خيراً”
ومكث الوزير فترة طويلة في السجن
وفي يوم خرج الملك للصيد وابتعد عن الحراس ليتعقب فريسته، فمر على قوم يعبدون صنم فقبضوا عليه ليقدموه قرباناً للصنم ولكنهم تركوه بعد أن اكتشفوا أن قربانهم إصبعه مقطوع..
فانطلق الملك فرحاً بعد أن أنقذه الله من الذبح تحت قدم تمثال لا ينفع ولا يضر وأول ما أمر به فور وصوله القصر أن أمر الحراس أن يأتوا بوزيره من السجن واعتذر له عما صنعه معه وقال أنه أدرك الآن الخير في قطع إصبعه، وحمد الله تعالى على ذلك.
ولكنه سأله عندما أمرت بسجنك قلت “لعله خيراً” فما الخير في ذلك؟
فأجابه الوزير أنه لو لم يسجنه.. لَصاحَبَه فى الصيد فكان سيقدم قرباناً بدلاً من الملك… فكان في صنع الله كل الخير.

Monday, April 18, 2011

Op-amp exp1 in electronics 2nd term in 2comm

Exp 1 in Electronics

Op-amp

Part 1: The inverting closed loop







Part 2: The non-inverting closed loop





Part 3: The op-amp as a voltage follower “Buffer”
 



Sunday, April 17, 2011

تحمل المسئولية

بسم الله الرحمن الرحيم

تحمل المسئولية شئ مهم ان يتواجد فى كل انسان ويختلف من انسان لاخر فى تحمله هذه المسئولية 
والاكثر اهمية هو تحمل الانسان لاخطاؤه وذلك من خلال معاقبته لنفسه قبل معاقبه الاخرين له بذلك يكسب احترام نفسه لذاته ويكون افضل ارتياحا 
يختلف الناس بجميع اطيافها فى هذا المبدأ فهناك من يتهرب من الخطأ بحجج واقعية او غير واقعة ولكن الاهم فى تحمل السئولية عدم البحث عن ممبررات للموقف او للخطأ وذلك لكسب احترام الغير ايضا بعد احترامك لذاتك 
فهل الهروب من المواجهه او المسئولية هو الحل ؟؟؟
الكثير يفعل ذلك اما ان يهرب واما ان يعلق اخطاؤه على غيره من المحتمل عند محاسبه النفس على خطأ ان يراك البعض تقسو على نفسك ولكن اذا كنت تدرك معنى المسئوليه الحقيقى تجد نفسك اكثر راحه فى معاقبة نفسك 

كن على قدر ثقه الاخرين بك تدرك معنى المسئولية الحقيقى

Tuesday, March 29, 2011

الامل

بسم الله الرحمن الرحيم 


الامل كلمة لو ادرك كل شخص معناها الفعلى لتمسك بيها طوال حياته ولن ينساها ابدا 
الامل يعيش بيه بشر ويموت بدونه بشر الامل هو حياة يجب ان نتمسك بيه لاخر نفس فى الحياة 
شئ جميل لما تعيش على امل ويتحقق بجد يتحقق وتشوفة بعينك قدامك وتستفاد منه وغيرك يستفاد ويفتكرك ناس كتير بسبب امل عيشت عليه واتحقق واستفادوا بيه ولكن البعض يخشى ان يفقد الاملاو ان يتعلق به ويخسره فى النهاية ولكن اذا نظرنا بقرب اكثر نجد اننا حينما نفشل نعرف اخطاء كثيره لم تكن ببالنا ولم نحسب لها اى حساب فنستخدمها فى خطوة جديدة لتحقيق مهمه اكبر واهم وبالتاكيد ينكسر الانسان بعد الفشل ولكن من الاهم الا يستسلم للياس والحزن والفشل 
انت اذا فقدت الامل فانك انسان بلا روح فليس لك فائده فى الحياه فاسع ليذكرك الناس بالخير من خلال اعمالك الانسان ليس له قيمة بعد الموت ولكن تبقى سيرته وذكراه باعماله واخلاقه 
اوصى نفسى ان اكون شخص مفيد لغيرى اكثر من اكون منتفع بدون استفادة لنفسى فيجب ان نستفيد لنفيد علاقة متبادلة ومادلة يجب تحقيقها لتتجد نفسك فى الحياه 
 لنا ان تخيل الثورة المصرية ثورة الشعب لو تصورنا ان هذا الشعب اذا استسلم ولم يتمسك بامله فى الحياه عيشه كريمة فى وجهه نظرى سوف يظل شعب ذليل طول عمره وحياته ولكن بالامل والتمسك بالحاضر والمستقبل تصل وكل شئ على قد عملك فلا تنس توفيق الله عز وجل لانه سبب كل شئ فى الحياه ولكن اسع يا عبد وانا اسعى معاك 


نحن نعيش نحن نطمح نحن نحقق نحن ننجح نحن عظماء

الامل حياة

Sunday, March 27, 2011